Бутунжаҳон бокс сериясининг 2016 йилги мусобақасида ярим финалга қадар етиб борган Uzbek Tigers, 2017 йилги мавсум учун рақибларини билиб олди. Бу ҳақда «Оламспорт» маълумот берди.
Унга кўра ўзбекистонлик боксчилар Осиё минтақаси деб номланган «C» гуруҳида кураш олиб боради. Гуруҳда Россиянинг Russian Boxing Team, Хитойнинг China Dragons, Қозоғистоннинг Astana Arlans жамоалари ўрин олган.
Маълумот учун, Uzbek Tigers 2016 йилги мавсум ярим финалида Куба жамоасидан мағлуб бўлиб, турнирни тарк этганди. Финал беллашувларига Тошкент шаҳри мезбонлик қилган бўлиб, Cuba Domadores Британия жамоасини таслим қилган.
Изоҳ (0)