Donald Tramp va uning turmush o‘rtog‘i Melanya Oq uydagi prezident apartamentlarini qanday san’at asarlari bilan bezaydi? The Wall Street Journal gazetasida chop etilgan maqolada mazkur savolga javob izlangan, deya xabar beradi “TASS”.
“Tramp prezidentlik lavozimini egallashi bilan Oq uy doimiy kolleksiyasidan san’at namunalarini tanlashi yoki Vashingtondagi muzeylar omborlaridan vaqtincha olib turishi mumkin. Tramp va uning turmush o‘rtog‘i Oq uy zallariga o‘zlariga shaxsan tegishli asarlarni ham joylashtirsa bo‘ladi. Qaysidir musavvirlarni yoqtirishini bildirib, Tramp ularning asarlari narxini keskin ko‘tarib yuborishi ham ehtimoldan xoli emas”, — deya yozadi gazeta.
Saylangan prezident hozirda rafiqasi bilan istiqomat qilayotgan, qiymati 100 million dollar turadigan pentxausning bezatilishi Tramp XVIII asr fransuz uslubi, ya’ni tilla suvi yuritilgan mebel, marmar plitalari, bezakli shiftlar va Apollon, Eros, Psixeya kabi asotir qahramonlari tasvirlangan haykallarni yoqtirishidan dalolat bermoqda.
San’at asarlari kolleksiyalarini to‘playdigan va saqlaydigan Oq uy tarixiy assotsiatsiyasi vakili yangi prezident Oq uyni didiga moslab bezatish uchun taxminan bir yil ketishini bildirdi. Kongress bu maqsadlar uchun 100 ming dollar ajratadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)