Sarkozi praymerizdagi mag‘lubiyatini tan oldi va Fiyonni qo‘llab-quvvatlashga chaqirdi

Fransiya sobiq prezidenti Nikolya Sarkozi o‘ng markazchilar praymerizidagi mag‘lubiyatini tan oldi, deb yozadi “Gazeta.ru”.

“Fransua Fiyon va Alen Jyuppeni ikkinchi bosqichga chiqqanligi bilan tabriklayman. Ular bunga loyiq insonlar va fransuz o‘ng markazchilari ular bilan faxrlanishi lozim”, — dedi u.

Ovozlar hisob-kitobiga ko‘ra, 10 229 uchastkadan 8 400 tasida Sarkozi 22,1 foiz ovoz to‘pladi, bu esa unga ikkinchi bosqichga o‘tish imkonini bermadi.

Uning raqiblari mamlakatning sobiq bosh vaziri (2007—2012) Fransua Fiyon 44,0 foiz, sobiq bosh vazir (1995—1997) Alen Jyuppe esa 28,1 foiz ovoz to‘plagan.

Sarkozi Fransua Fiyonning siyosiy pozitsiyalari unga ko‘proq yaqin ekanligini qo‘shimcha qildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.