Саркози праймериздаги мағлубиятини тан олди ва Фийонни қўллаб-қувватлашга чақирди

Франция собиқ президенти Николя Саркози ўнг марказчилар праймеризидаги мағлубиятини тан олди, деб ёзади «Газета.ru».

«Франсуа Фийон ва Ален Жюппени иккинчи босқичга чиққанлиги билан табриклайман. Улар бунга лойиқ инсонлар ва француз ўнг марказчилари улар билан фахрланиши лозим», — деди у.

Овозлар ҳисоб-китобига кўра, 10 229 участкадан 8 400 тасида Саркози 22,1 фоиз овоз тўплади, бу эса унга иккинчи босқичга ўтиш имконини бермади.

Унинг рақиблари мамлакатнинг собиқ бош вазири (2007—2012) Франсуа Фийон 44,0 фоиз, собиқ бош вазир (1995—1997) Ален Жюппе эса 28,1 фоиз овоз тўплаган.

Саркози Франсуа Фийоннинг сиёсий позициялари унга кўпроқ яқин эканлигини қўшимча қилди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.