Birlashgan Arab Amirliklarida hordiq chiqarayotgan xonanda Rayhon Abu-Dabidagi Shayx Zayd masjidini ziyorat qildi. Bu haqda xonanda Instagram’dagi sahifasida fotoxabarlar qoldirgan.
Bundan avvalroq Rayhon BAAdagi hordiq davomida tushgan boshqa suratlarini ham Instagram’da e’lon qilgan edi.
Oktabr oxirida xonanda Rayhon taniqli boshlovchi Farhod Alimovga turmushga chiqishi haqida xabarlar paydo bo‘lgan edi. 5-noyabr kuni ularning nikohdan o‘tgani munosabati bilan xalqqa osh berildi.
Farhod Alimov to‘y qachon bo‘lishi noma’lumligi, Rayhonning xavfsizligini ta’minlash maqsadida marosim chet elda, tor doirada o‘tkazilishi mumkinligini aytib o‘tgan edi.
“Fattohhon.com” nashri muxbirlarining ma’lum qilishicha, Rayhon BAAga turmush o‘rtog‘i bilan asal oyini o‘tkazish uchun jo‘nab ketgan.
Ma’lumot uchun, avvalroq xonanda Shahzoda va aktrisa Shahzoda Muhamedova ham Abu-Dabidagi Shayx Zayd masjidini ziyorat qilgani haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)