O‘zbekiston Kasaba uyushmalari federatsiyasi O‘quv markazida “Bolalar mehnati va majburiy mehnat Milliy monitoringining dastlabki yakunlari” mavzusida seminar bo‘lib o‘tdi, deya xabar bermoqda Kasaba uyushmalari federatsiyasi kengashi matbuot xizmati. Seminar Kasaba uyushmalari federatsiyasi va Xalqaro mehnat tashkiloti hamkorligida tashkil etildi.
Milliy monitoring tasodifiy tanlov asosida respublikaning barcha hududlaridagi korxonalar, tashkilotlar va muassasalar, fermer xo‘jaliklari, paxta dalalariga tashrif buyurishni o‘z ichiga oldi. Monitoringning butun davri davomida hududiy guruhlar tomonidan 6615 nafar respondentlar bilan intervyu o‘tkazildi.
Hududiy monitoring guruhlari bergan ma’lumotga ko‘ra, joriy paxta terish mavsumigacha va mavsum davomida mutasaddi tashkilotlar tomonidan bolalar va majburiy mehnatga yo‘l qo‘ymaslik bo‘yicha katta profilaktika ishlari olib borilgan. Ta’lim va tibbiy muassasalarning uzluksiz ishlashi ta’minlangan. Infratuzilma obyektlari, shu jumladan, transport, bozorlar, savdo va maishiy xizmat korxonalari, dorixonalar odatiy rejimda ishlagan.
Shuningdek, paxta teruvchilar uchun mehnat va dam olish sharoitlari yaratilgan, chunonchi, ular issiq ovqat, toza ichimlik suvi, yong‘in xavfsizligi va sanitar-gigiyena sharoitlari, moddiy va ma’naviy rag‘bat bilan ta’minlangan.
Izoh (0)