Ўзбекистон Касаба уюшмалари федерацияси Ўқув марказида «Болалар меҳнати ва мажбурий меҳнат Миллий мониторингининг дастлабки якунлари» мавзусида семинар бўлиб ўтди, дея хабар бермоқда Касаба уюшмалари федерацияси кенгаши матбуот хизмати. Семинар Касаба уюшмалари федерацияси ва Халқаро меҳнат ташкилоти ҳамкорлигида ташкил этилди.
Миллий мониторинг тасодифий танлов асосида республиканинг барча ҳудудларидаги корхоналар, ташкилотлар ва муассасалар, фермер хўжаликлари, пахта далаларига ташриф буюришни ўз ичига олди. Мониторингнинг бутун даври давомида ҳудудий гуруҳлар томонидан 6615 нафар респондентлар билан интервью ўтказилди.
Ҳудудий мониторинг гуруҳлари берган маълумотга кўра, жорий пахта териш мавсумигача ва мавсум давомида мутасадди ташкилотлар томонидан болалар ва мажбурий меҳнатга йўл қўймаслик бўйича катта профилактика ишлари олиб борилган. Таълим ва тиббий муассасаларнинг узлуксиз ишлаши таъминланган. Инфратузилма объектлари, шу жумладан, транспорт, бозорлар, савдо ва маиший хизмат корхоналари, дорихоналар одатий режимда ишлаган.
Шунингдек, пахта терувчилар учун меҳнат ва дам олиш шароитлари яратилган, чунончи, улар иссиқ овқат, тоза ичимлик суви, ёнғин хавфсизлиги ва санитар-гигиена шароитлари, моддий ва маънавий рағбат билан таъминланган.
Изоҳ (0)