Chevrolet Las-Vegasda o‘z ishini boshlagan SEMA tyuning-shousida Colorado Z71 konseptual pikapini taqdim etishga hozirlik ko‘rmoqda. Uni tayyorlashda Nike brendiga tegishli syorfing uchun kiyim va aksessuarlar ishlab chiqaradigan Hurley kompaniyasi yordam berdi. Bu haqda Motor ma’lum qildi.
Avtomobil Pyzel kompaniyasining tomda qotiriladigan bir juft doskali ushlagichi, shuningdek, Thule firmasining libos quritish uchun ishlatiladigan yuk platformali maxsus yashigi bilan jihozlandi.
Bundan tashqari, pikap Goodyear DuraTrac yo‘ltanlamas pokrishkasiga ega 17 dyuymli g‘ildirak disklari, yuk platformasi qopqog‘i va qo‘shimcha yorug‘lik texnikasiga ega bo‘ldi. Interyerda Hurley kompaniyasining bir necha logotipi paydo bo‘ldi, Colorado Z71 o‘tirgichlari esa gidrokostyumlar ishlab chiqarishda qo‘llaniladigan namni qochiruvchi materialdan tikildi.
Chevrolet tyuning-shouda mazkur pikapdan tashqari yana 20 ga yaqin boshqa avtomobillarini namoyish etishi kutilmoqda.
Izoh (0)