Janubiy Koreyaning Aju Universitetida Ajou International Day – 2016 (“Xalqaro Millatlar kuni – 2016”) tanlovi bo‘lib o‘tdi, unda O‘zbekiston nomini himoya qilgan jamoa asosiy sovrinni qo‘lga kiritdi. Bu haqda JIDU talabalariga tayanib, JIDU talabalari Muxlisa Xudayberganova va Eldor Vohidov xabar berdi.
Toshkent shahridagi Jahon iqtisodiyoti va diplomatiya universitetining almashinuv dasturi bilan Aju universitetida ta’lim olayotgan talabalari Ajou International Day xalqaro festivalida faol ishtirok etib, tanlov sovrindorlariga aylandi.
Dunyoning 40 dan ziyod davlatidan tashrif buyurgan talabalar ishtirok etgan ushbu tanlov ikki qismdan tashkil topdi. Eng yaxshi milliy taomlar va eng yaxshi dekoratsiyaga bag‘ishlangan birinchi qismda o‘zbekistonlik ishtirokchilar shartli ravishda birinchi va ikkinchi o‘rinlarni egalladi.
Milliy kuy-qo‘shiqlar va raqs namunalari namoyish etilgan ikkinchi qismda JIDU talabalarining ko‘rgazmali chiqishi muxlislarda katta taassurot qoldirdi. Tanlov yakunida Aju mutaxassislari hamda tomoshabinlar bir ovoz bilan O‘zbekiston jamoasini g‘olib deb e’lon qildi.
Izoh (0)