«Ўзбекистон ҳаво йўллари» миллий авиакомпанияси 2017 йилдан Тошкент—Нью-Йорк йўналиши бўйича рейсларни Boeing-787 Dreamliner самолётларида амалга оширишни режалаштирмоқда. Бу ҳақда миллий авиакомпания бош директори Валерий Тянга таяниб, UzDaily хабар берди.
Валерий Тян таъкидлашича, авиакомпания ушбу рейсларни ёзги жадвалдан Boeing787 Dreamliner самолётларида амалга ошира бошлайди.
«Ўзбекистон ҳаво йўллари» МАКнинг ёзги жадвали март охиридан октябрга қадар амал қилади.
Эслатиб ўтамиз, 5 ноябрь куни «Тошкент» халқаро аэропортига «Ўзбекистон ҳаво йўллари» миллий авиакомпанияси томонидан харид қилинган иккинчи Boeing-787 Dreamliner самолёти етиб келди. Биринчи Dreamliner Тошкентга 31 август куни етиб келган эди.
Бундан ташқари, миллий авиакомпания яна учта Boeing Dreamliner харид қилиши маълум бўлди.
Изоҳ (0)