8-noyabr kuni AQSh prezidenti saylovi bo‘lib o‘tadi, amerikaliklarning va butun dunyoning nigohi ikki nomzod — Hillari Klinton va Donald Trampga qaratilgan. Saylovoldi poygada yaqqol favorit yo‘q.
[playbuzz-item playbuzz_url="muhrima10/aqsh-prezidenti-saylovida-kim-g-olib-chiqadi"]
Barak Obamaning ikkinchi va so‘nggi prezidentlik muddati intihosi AQShning Rossiya bilan munosabatlari Suriyadagi harbiy operatsiya sabab keskin sovuqlashgani bilan yodda qoladigan bo‘ldi. Nizoni to‘xtatish bo‘yicha Obama ma’muriyatining barcha urinishlari besamar yakunlandi va Obama endi biror nimani keskin o‘zgartira olmasa kerak. Uning vakolati rasman 2017-yil yanvarida yakuniga yetadi, AQShning yangi prezidenti ham xuddi shu vaqtda qasamyod qiladi.
Obama 2008—2009-yillardagi moliyaviy inqiroz ayni avjiga chiqqan vaqtda ishga kirishgan va u saylovoldi ijtimoiy va’dalarini bajarish uchun qayerdandir bo‘lsa-da mablag‘, vosita topishi zarur edi. Vaziyatning murakkabligi shunda ediki, u o‘z va’dalarini uning ikkinchi prezidentlik muddati arafasida Kongressning har ikkala palatasida ko‘pchilik o‘ringa ega chiqqan respublikachilarning qarshiligini yenggan holda bajarishi lozim edi.
AQSh tarixidagi ilk qora tanli prezidentning tashqi siyosati, avvalo, Yaqin Sharqdagi hali ham yakuniga yetmagan “terrorchilikka qarshi urush”ning davom etishi bilan esda qoladi. Rossiya bilan esa Obama munosabatlarni qayta yo‘lga qo‘yishdan boshlab, amalda sovuq urush davridagi holatga qaytishgacha bo‘lgan yo‘lni bosib o‘tdi.
AQSh 44-prezidenti Barak Obamaning rasmiy portreti. Oq uy bunday suratni olish uchun ilk bor raqamli fotokameradan foydalangan edi. Vashington, 2009-yil.
Barak Obama va Vladimir Putin AQSh prezidentining Rossiyaga ilk tashrifi vaqtida nonushta qilmoqda. Moskva, 2009-yil.
Nyu-Meksiko shtatidagi Rio-Rancho shahri aholisi oldida qilingan chiqish chog‘ida, 2009-yil.
Barak va Mishel Obama inauguratsiya marosimlaridan biri oldidan. Vashington, 2009-yil.
AQSh elchisi qarorgohidagi yig‘ilish. Parij, 2009-yil.
Barak Obama va uning Bo laqabli iti. Vashington, 2009-yil.
Obama uni Tinchlik yo‘nalishida Nobel mukofoti laureati deb e’lon qilishganidan so‘ng, nutqga tayyorlanmoqda. Vashington, 2009-yil.
AQSh prezidenti rossiyalik hamkasbi Dmitriy Medvedev bilan birga burgerxonaning menyusini ko‘zdan kechirmoqda. Arlington, Virjiniya shtati, 2010-yil.
Obama Oq uy protokol xizmati boshlig‘i Marvin Nikolson chiqqan tarozini bosib turibdi. Ostin, Texas shtati, 2010-yil.
Iroqdagi harbiy operatsiya yakuniga yetgani e’lon qilinganidan so‘ng. Fort-Bregg, Shimoliy Karolina shtati. 2011-yil.
AQSh prezidenti mamlakat rahbariyati bilan birgalikda Usoma ben Ladenni qo‘lga olish bo‘yicha operatsiyani kuzatmoqda, mazkur operatsiya davomida terrorchi yo‘q qilingan. Vashington, 2011-yil.
Barak Obama Gavayi orollarida Yangi yilni nishonlamoqda. AQSh, 2012-yil.
AQSh prezidenti, tadbirga yig‘ilganlar u ichkarida yig‘ilish o‘tkazib olishini kutib turmasliklari uchun, yomg‘ir ostida nutq so‘zlamoqda. Glen-Allen, Virjiniya shtati, 2012-yil.
Oq uy kotiblaridan birining “O‘rgimchak-odam”dek kiyinib olgan o‘g‘li prezidentni “tutib oldi”. Vashington, 2012-yil.
Buyuk Britaniya bosh vaziri Devid Kemeron, Barak Obama, Germaniya kansleri Angela Merkel, Yevrokomissiya rahbari Joze Manuel Barrozu va Fransiya prezidenti Fransua Olland futbol bo‘yicha Yevropa Chempionlar Ligasi finalini tomosha qilmoqda. Kemp-Devid, 2012-yil.
Obama Ford zavodidagi tadbir vaqtida. Liberti, Missuri shtati, 2013-yil.
Afg‘oniston prezidenti Hamid Karzay bilan sayr. Vashington, 2013-yil.
Obama elchixonadagi uchrashuvdan so‘ng, o‘rnidan turib olishda bolalardan yordam so‘ramoqda. Manila, Filippin, 2014-yil.
Obama Oval xonada pashshani o‘ldiryapti. Vashington, 2014-yil.
Obama uchib ketish oldidan, qo‘riqchilari qurshovida “Oltin darvoza” ko‘prigini tomosha qilyapti. San-Fransisko, 2014-yil.
Ukraina prezidenti Pyotr Poroshenko bilan uchrashuv. Vashington, 2014-yil.
Obama samolyotga chiqmoqda. Kingston, Yamayka, 2015-yil.
Oq uy protokol xizmati boshlig‘i Jeremi Bernard (markazda) sharafiga xayrlashuv oqshomi. Vashington, 2015-yil.
Barak Obama milliy xavfsizlik masalalari bo‘yicha o‘z maslahatchisi Ben Rodsning qizi Ella bilan birga. Vashington, 2015-yil.
Kuba prezidenti Raul Kastro va AQSh prezidenti Barak Obama ikki mamlakat o‘rtasidagi munosabatlar qayta tiklanganidan so‘ng, qo‘l berishib ko‘rishmoqda. Panama, 2015-yil.
Barak Obama Rossiya prezidenti Vladimir Putin bilan G20 sammiti doirasida muzokaralar o‘tkazmoqda. Antaliya, 2015-yil.
Barak va Mishel Obama shahzoda Jorj va uning ota-onasi — Kembrij gersogi Uilyam va Kembrij gersoginyasi Ketrin bilan tanishmoqda. London, 2016-yil.
Barak Obama o‘zining tug‘ilgan kuni munosabati bilan vitse-prezident Jo Bayden sovg‘a qilgan kekslardagi shamlarni o‘chirmoqda. Vashington, 2016-yil.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)