8 ноябрь куни АҚШ президенти сайлови бўлиб ўтади, америкаликларнинг ва бутун дунёнинг нигоҳи икки номзод — Ҳиллари Клинтон ва Дональд Трампга қаратилган. Сайловолди пойгада яққол фаворит йўқ.
[playbuzz-item playbuzz_url="muhrima10/aqsh-prezidenti-saylovida-kim-g-olib-chiqadi"]
Барак Обаманинг иккинчи ва сўнгги президентлик муддати интиҳоси АҚШнинг Россия билан муносабатлари Суриядаги ҳарбий операция сабаб кескин совуқлашгани билан ёдда қоладиган бўлди. Низони тўхтатиш бўйича Обама маъмуриятининг барча уринишлари бесамар якунланди ва Обама энди бирор нимани кескин ўзгартира олмаса керак. Унинг ваколати расман 2017 йил январида якунига етади, АҚШнинг янги президенти ҳам худди шу вақтда қасамёд қилади.
Обама 2008—2009 йиллардаги молиявий инқироз айни авжига чиққан вақтда ишга киришган ва у сайловолди ижтимоий ваъдаларини бажариш учун қаердандир бўлса-да маблағ, восита топиши зарур эди. Вазиятнинг мураккаблиги шунда эдики, у ўз ваъдаларини унинг иккинчи президентлик муддати арафасида Конгресснинг ҳар иккала палатасида кўпчилик ўринга эга чиққан республикачиларнинг қаршилигини енгган ҳолда бажариши лозим эди.
АҚШ тарихидаги илк қора танли президентнинг ташқи сиёсати, аввало, Яқин Шарқдаги ҳали ҳам якунига етмаган «террорчиликка қарши уруш»нинг давом этиши билан эсда қолади. Россия билан эса Обама муносабатларни қайта йўлга қўйишдан бошлаб, амалда совуқ уруш давридаги ҳолатга қайтишгача бўлган йўлни босиб ўтди.
Обаманинг Оқ уй ва ундан ташқаридаги саккиз йиллик ҳаёти давомида фотосуратчи Пит Соуза президент билан бирга бўлди. Republic нашри Соузанинг бу даврдаги энг яхши фотосуратларини бир саҳифага жамлади.
АҚШ 44-президенти Барак Обаманинг расмий портрети. Оқ уй бундай суратни олиш учун илк бор рақамли фотокамерадан фойдаланган эди. Вашингтон, 2009 йил.
Барак Обама ва Владимир Путин АҚШ президентининг Россияга илк ташрифи вақтида нонушта қилмоқда. Москва, 2009 йил.
Нью-Мексико штатидаги Рио-Ранчо шаҳри аҳолиси олдида қилинган чиқиш чоғида, 2009 йил.
Барак ва Мишель Обама инаугурация маросимларидан бири олдидан. Вашингтон, 2009 йил.
АҚШ элчиси қароргоҳидаги йиғилиш. Париж, 2009 йил.
Барак Обама ва унинг Бо лақабли ити. Вашингтон, 2009 йил.
Обама уни Тинчлик йўналишида Нобель мукофоти лауреати деб эълон қилишганидан сўнг, нутқга тайёрланмоқда. Вашингтон, 2009 йил.
АҚШ президенти россиялик ҳамкасби Дмитрий Медведев билан бирга бургерхонанинг менюсини кўздан кечирмоқда. Арлингтон, Виржиния штати, 2010 йил.
Обама Оқ уй протокол хизмати бошлиғи Марвин Николсон чиққан тарозини босиб турибди. Остин, Техас штати, 2010 йил.
Ироқдаги ҳарбий операция якунига етгани эълон қилинганидан сўнг. Форт-Брэгг, Шимолий Каролина штати. 2011 йил.
АҚШ президенти мамлакат раҳбарияти билан биргаликда Усома бен Ладенни қўлга олиш бўйича операцияни кузатмоқда, мазкур операция давомида террорчи йўқ қилинган. Вашингтон, 2011 йил.
Барак Обама Гавайи оролларида Янги йилни нишонламоқда. АҚШ, 2012 йил.
АҚШ президенти, тадбирга йиғилганлар у ичкарида йиғилиш ўтказиб олишини кутиб турмасликлари учун, ёмғир остида нутқ сўзламоқда. Глен-Аллен, Виржиния штати, 2012 йил.
Оқ уй котибларидан бирининг «Ўргимчак-одам»дек кийиниб олган ўғли президентни «тутиб олди». Вашингтон, 2012 йил.
Буюк Британия бош вазири Дэвид Кэмерон, Барак Обама, Германия канцлери Ангела Меркель, Еврокомиссия раҳбари Жозе Мануэль Баррозу ва Франция президенти Франсуа Олланд футбол бўйича Европа Чемпионлар Лигаси финалини томоша қилмоқда. Кэмп-Дэвид, 2012 йил.
Обама Ford заводидаги тадбир вақтида. Либерти, Миссури штати, 2013 йил.
Афғонистон президенти Ҳамид Карзай билан сайр. Вашингтон, 2013 йил.
Обама элчихонадаги учрашувдан сўнг, ўрнидан туриб олишда болалардан ёрдам сўрамоқда. Манила, Филиппин, 2014 йил.
Обама Овал хонада пашшани ўлдиряпти. Вашингтон, 2014 йил.
Обама учиб кетиш олдидан, қўриқчилари қуршовида «Олтин дарвоза» кўпригини томоша қиляпти. Сан-Франциско, 2014 йил.
Украина президенти Пётр Порошенко билан учрашув. Вашингтон, 2014 йил.
Обама самолётга чиқмоқда. Кингстон, Ямайка, 2015 йил.
Оқ уй протокол хизмати бошлиғи Жереми Бернард (марказда) шарафига хайрлашув оқшоми. Вашингтон, 2015 йил.
Барак Обама миллий хавфсизлик масалалари бўйича ўз маслаҳатчиси Бэн Родснинг қизи Элла билан бирга. Вашингтон, 2015 йил.
Куба президенти Рауль Кастро ва АҚШ президенти Барак Обама икки мамлакат ўртасидаги муносабатлар қайта тикланганидан сўнг, қўл беришиб кўришмоқда. Панама, 2015 йил.
Барак Обама Россия президенти Владимир Путин билан G20 саммити доирасида музокаралар ўтказмоқда. Анталия, 2015 йил.
Барак ва Мишель Обама шаҳзода Жорж ва унинг ота-онаси — Кембриж герцоги Уильям ва Кембриж герцогиняси Кетрин билан танишмоқда. Лондон, 2016 йил.
Барак Обама ўзининг туғилган куни муносабати билан вице-президент Жо Байден совға қилган кекслардаги шамларни ўчирмоқда. Вашингтон, 2016 йил.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)