Bolgariyada 6-noyabr, yakshanba kuni prezidentlik saylovlari bo‘lib o‘tmoqda. Mamlakatda 12 mingdan ortiq saylov uchastkalari ochilgan bo‘lib, ularda 6,8 million kishi mahalliy vaqt bilan 20:00 gacha o‘zi istagan nomzod uchun ovoz berishi mumkin, deb xabar beradi “TASS”.
Mamlakat prezidenti umumxalq ovoz berishi bilan besh yilga saylanadi va bu lavozimni ikki muddatdan ortiq egallashi mumkin emas. Davlat rahbari bilan birgalikda vitse-prezident ham saylanadi.
Birinchi turda saylanish uchun nomzod saylovchilarning yarmidan ortiq ovozini to‘plashi lozim. Agar bunday bo‘lmasa, bir haftalik muddatda ikkinchi tur o‘tkaziladi.
Prezidentlik lavozimiga jami 21 kishi da’vogarlik qilmoqda. Ular orasida parlament raisi Setsku Sachev, Bolgariya harbiy-havo kuchlarining sobiq qo‘mondoni Rumen Radev va Vatanparvarlar fronti yetakchilaridan biri Krasimir Karakachanov imkoniyati yuqori baholanmoqda.
Izoh (0)