AQSh prezidenti Barak Obama 1979-yilda Eronga nisbatan kiritilgan sanksiyalar rejimini uzaytirishga qaror qildi, deb yozadi “Gazeta.ru” Oq uy saytiga tayanib.
“Bizning Eron bilan aloqalarimiz normal oqimga qaytgani yo‘q… Shu sababli 1979-yil 14-noyabrda e’lon qilingan sanksiyalar rejimi 2016-yil 14-noyabrdan keyin ham davom etishi kerak. Shu munosabat bilan men Eronga nisbatan sanksiyalar rejimini davom ettirish haqida qaror qabul qildim”, — deyiladi xabarda.
Nashr eslatishicha, oktabr boshida AQSh moliya vazirligi chet el kompaniyalariga ushbu mamlakatda biznes yuritish osonroq bo‘lishi uchun, Eronga nisbatan sanksiyalarni yumshatgan edi.
Izoh (0)