Amerikalik erkak “Kelajakka qaytib” filmidagi krossovka asosidagi bog‘ichi o‘zi bog‘lanadigan 89 juft Nike MAG krossovkalaridan birini kompaniya o‘tkazgan xayriya lotereyasida yutib oldi, deb yozadi TJournal. O‘n minglab dollarga sotish mumkin bo‘lgan poyabzalni u atigi 50 dollar sarflab qo‘lga kiritdi.
Kris ismli lotereya g‘olibi yutib olingan krossovkani kiyib yurish u yoqda tursin, shunchaki kiyib ko‘rish uchun ham avval yerga oq mato to‘shaydi. Uning so‘zlariga ko‘ra, krossovka xuddi chang‘i botinkasi kabi hissiyot uyg‘otadi.
Kris Twitter’da o‘z quvonchi bilan bo‘lishgach, unga krossovkani sotish haqida takliflar oqib kela boshladi, ammo u hozircha o‘z yutug‘ini sotish yoki sotmaslik haqida bir qarorga kelgani yo‘q. U xaridor topgunicha, krossovkani bankdagi saqlash yacheykasiga qo‘ymoqchi.
Ta’kidlash joiz, lotereyadan tushgan mablag‘larning barchasi Parkinson kasalligiga qarshi kurash jamg‘armasiga yo‘naltiriladi. Jamg‘armaga “Kelajakka qaytib” filmlarida bosh rolni o‘ynagan aktyor Maykl Jey Foks asos solgan, uning o‘zi ham ushbu kasallikdan azob chekadi.
Izoh (0)