Livanning bir palatali parlamentida bo‘lib o‘tgan saylov natijalariga ko‘ra, nasroniy siyosiy arbob Mishel Aun mamlakatning yangi prezidentiga aylandi. Bu haqda “TASS” xabar bermoqda.
Erkin vatanparvarlik harakati yetakchisi general Aun saylovning ikkinchi turida g‘olib chiqdi. Saylovda unga “Marada” partiyasi yetakchisi Sulaymon Franje raqiblik qildi. Har ikkala nomzod ham mahalliy nasroniylarning ko‘pchiligini qamrab olgan maroniylar jamoasiga mansub.
Livan oliy davlat rahbari o‘rni 2014-yili 25-may kuni Mishel Sulaymon prezidentlikdan ketganidan beri bo‘sh turgan edi. Ikki yildan ziyod davrdan beri deputatlar ham musulmonlarni, ham nasroniylarni birdek qanoatlantiradigan nomzodni tanlay olmayotgan edi.
Konstitutsiyaga ko‘ra, Livan prezidenti “davlat rahbari va millat birligi timsoli” hisoblanadi. U bosh qo‘mondon sifatida mamlakat qurolli kuchlariga ham rahbarlik qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)