Tojikiston poytaxti Dushanbe shahrida futbol bo‘yicha 19 yoshgacha bo‘lgan qizlar o‘rtasidagi Osiyo chempionati saralash bosqichining “B” guruhi so‘nggi, 3-tur uchrashuvida O‘zbekiston U-19 qizlar terma jamoasi Xitoy Taypeyini 1:0 hisobida mag‘lub etib, 2017-yilgi Osiyo chempionatining final bosqichiga yo‘llanmani qo‘lga kiritdi. Bu haqda O‘FF matbuot xizmati xabar bermoqda.
Uchrashuvdagi yagona golni 26-daqiqada Maftuna Panjiyeva penaltidan kiritdi.
Bundan avvalgi ikki uchrashuvda Bahrom Norsafarov boshchiligidagi o‘zbekistonlik qizlar Tojikiston hamda Gonkong U-19 qizlar terma jamoalarini bir xil — 3:0 hisobida mag‘lub etishga muvaffaq bo‘lgandi.
Shu tariqa, O‘zbekiston U-19 qizlar terma jamoasi saralashning barcha uchrashuvlarida g‘alaba qozonib, 9 ochko bilan 2017-yilning noyabr oyida Xitoyda o‘tkaziladigan Osiyo chempionati final bosqichiga yo‘llanmani qo‘lga kiritdi.
U-19 qizlar o‘rtasidagi Osiyo chempionati saralashi
Izoh (0)