Rejissor Bahrom Yoqubovning “Boyvachcha kuyov” deb nomlangan kino komediyasi oktabrning so‘nggi haftasida eng ko‘p tomoshabin to‘plagan o‘zbek filmi bo‘ldi. Bu haqda, Alisher Navoiy nomidagi kinosaroy tomonidan taqdim etilgan ma’lumotlarga asoslanib, jurnalist Feruz Muhammad ma’lum qildi.
Undan keyingi o‘rinlarni Azamat Ahrorovning “Notanish qotil”, Sherzod Binning “Qaysar oshiqlar”, Naufal Sulaymonovning “Aldagani quda yaxshi”, va Qutlimurod Yakubovning “Kutilmaganda buzilgan to‘y” filmlari egallagan.
Bahrom Yoqubovning filmi bundan avvalgi haftada ham kassa yig‘imlari bo‘yicha birinchi bo‘lgan edi. Oktabrning dastlabki ikki haftasida esa rejissor Azamat Ahrorovning “Notanish qotil” kartinasi birinchi bo‘lgan edi.
Ma’lumot uchun, Alisher Navoiy nomli kinosaroyda hozirda “Notanish qotil”, “Qaysar oshiqlar”, “Aldagani quda yaxshi”, “Kutilmaganda buzilgan to‘y”, “Boyvachcha kuyov” , “Toliqqan ko‘ngillar oyga talpinar” kabi filmlar namoyishi davom etmoqda. Namoyishlar jadvali bilan “Daryo.Afisha”da tanishish mumkin.
24—30-oktabr oralig‘ida eng ko‘p tomoshabin to‘plagan o‘zbek filmlari
1-o‘rin. “Boyvachcha kuyov” (komediya)Rejissor — Bahrom Yoqubov.2-o‘rin. “Notanish qotil” (jangari)Rejissor — Azamat Ahrorov.
3-o‘rin. “Qaysar oshiqlar” (komediya)Rejissor — Sherzod Bin.
4-o‘rin. “Aldagani quda yaxshi” (komediya)Rejissor — Naufal Sulaymonov.
5-o‘rin. “Kutilmaganda buzilgan to‘y” (komediya)Rejissor — Qutlimurod Yakubov.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)