Режиссёр Баҳром Ёқубовнинг «Бойвачча куёв» деб номланган кино комедияси октябрнинг сўнгги ҳафтасида энг кўп томошабин тўплаган ўзбек фильми бўлди. Бу ҳақда, Алишер Навоий номидаги киносарой томонидан тақдим этилган маълумотларга асосланиб, журналист Феруз Муҳаммад маълум қилди.
Ундан кейинги ўринларни Азамат Аҳроровнинг «Нотаниш қотил», Шерзод Биннинг «Қайсар ошиқлар», Науфал Сулаймоновнинг «Алдагани қуда яхши», ва Қутлимурод Якубовнинг «Кутилмаганда бузилган тўй» фильмлари эгаллаган.
Баҳром Ёқубовнинг фильми бундан аввалги ҳафтада ҳам касса йиғимлари бўйича биринчи бўлган эди. Октябрнинг дастлабки икки ҳафтасида эса режиссёр Азамат Аҳроровнинг «Нотаниш қотил» картинаси биринчи бўлган эди.
Маълумот учун, Алишер Навоий номли киносаройда ҳозирда «Нотаниш қотил», «Қайсар ошиқлар», «Алдагани қуда яхши», «Кутилмаганда бузилган тўй», «Бойвачча куёв» , «Толиққан кўнгиллар ойга талпинар» каби фильмлар намойиши давом этмоқда. Намойишлар жадвали билан «Дарё.Afisha»да танишиш мумкин.
24—30 октябрь оралиғида энг кўп томошабин тўплаган ўзбек фильмлари
1-ўрин. «Бойвачча куёв» (комедия)Режиссёр — Баҳром Ёқубов.2-ўрин. «Нотаниш қотил» (жангари)Режиссёр — Азамат Аҳроров.
3-ўрин. «Қайсар ошиқлар» (комедия)Режиссёр — Шерзод Бин.
4-ўрин. «Алдагани қуда яхши» (комедия)Режиссёр — Науфал Сулаймонов.
5-ўрин. «Кутилмаганда бузилган тўй» (комедия)Режиссёр — Қутлимурод Якубов.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)