Milliy basketbol assotsiatsiyasi (NBA)ning “Bruklin Nets” klubi himoyachisi Jeremi Lin Garvard universitetiga 1 million dollar xayriya qildi. Bu haqda, Associated Press’ga tayanib, “TASS” xabar bermoqda.
Xayriya mablag‘i universitetning basketbol arenasini rekonstruksiya qilish hamda talabalarga moddiy yordam berish uchun sarflanadi.
“Garvarddagi o‘qishim davomida basketbol maydonchasi va uning tashqarisida muvaffaqiyatli bo‘lishni o‘rgandim. Boshqa munosib talabalarga ham shunday imkoniyatni taqdim qilmoqchiman”, – dedi Lin.
Jeremi Lin 2010-yilda Garvard universitetini iqtisod yo‘nalishida o‘rtacha 3,1 ball bilan yakunladi.
NBA’dagi faoliyati davomida u “Golden Steyt”, “Nyu-York”, “Xyuston”, “Leykers” va “Sharlott” klublari sharafini himoya qilgan. 2016-yilning iyul oyida esa u erkin agent maqomida “Bruklin” safiga qo‘shildi.
Izoh (0)