Миллий баскетбол ассоциацияси (NBA)нинг «Бруклин Нетс» клуби ҳимоячиси Жереми Лин Гарвард университетига 1 миллион доллар хайрия қилди. Бу ҳақда, Associated Press’га таяниб, «ТАСС» хабар бермоқда.
Хайрия маблағи университетнинг баскетбол аренасини реконструкция қилиш ҳамда талабаларга моддий ёрдам бериш учун сарфланади.
«Гарваддаги ўқишим давомида баскетбол майдончаси ва унинг ташқарисида муваффақиятли бўлишни ўргандим. Бошқа муносиб талабаларга ҳам шундай имкониятни тақдим қилмоқчиман», – деди Лин.
Жереми Лин 2010 йилда Гарвард университетини иқтисод йўналишида ўртача 3,1 балл билан якунлади.
NBA’даги фаолияти давомида у «Голден Стэйт», «Нью-Йорк», «Хьюстон», «Лейкерс» ва «Шарлотт» клублари шарафини ҳимоя қилган. 2016 йилнинг июль ойида эса у эркин агент мақомида «Бруклин» сафига қўшилди.
Изоҳ (0)