Допингда қўлга тушган россиялик спортчиларнинг бирортаси Олимпиада медалларини ҳали ҳам қайтаргани йўқ

Допинг намуналарини қайта текшириш натижаларига кўра Халқаро олимпия қўмитаси (ХОҚ) томонидан 2008 ва 2012 йилги Олимпиадаларда қўлга киритган медалларидан маҳрум қилинган россиялик совриндорларнинг бирортаси ҳали медалларни қайтариб бермаган, дея хабар бермоқда «ТАСС».

ХОҚ допинг намуналарини қайта текшириш натижаларига кўра, сўнгги уч ой давомида Россия олимпия термасини Пекин—2008 ўйинларида қўлга киритилган еттита ва Лондон—2012 даги учта медалдан маҳрум қилган эди.

ХОҚ совриндан маҳрум этилган спортчиларнинг медалларини қайтаришни таъминлаш вазифасини Россия олимпия қўмитаси зиммасига юклаган эди.

«Медалларни қайтариб бериш жараёни бизда умуман йўлга қўйилмаган. Қайтарилиши лозим бўлган медаллардан бирортаси қайтариб берилганми-йўқми, бизда бу ҳақда ҳам ахборот йўқ. Мамлакатимизда онглиликнинг зарур даражасига ҳали етиб келинмаган», — деди Россия олимпия қўмитаси ҳуқуқ бошқармаси раҳбари Александра Бриллиантова.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.