Японияда 2015 йилда аҳоли сони камайгани қайд этилди. Бу ҳақда, Япония маъмурий ишлар ва коммуникациялар вазирлигига асосланиб, «ТАСС» хабар бермоқда.
Қайд этишларича, 2015 йилда Япония аҳолиси сони сўнгги бор шундай тадқиқот ўтказилган вақт — 2010 йилга нисбатан 0,8 фоизга камайган ва 127 миллион 95 минг кишини ташкил этган.
Ҳукумат шундай статистик маълумотларни тўплашни бошлаган 1920 йилдан бери биринчи марта Япония аҳолиси сони камайгани қайд этилмоқда.
Қариш ва демографик тушкунлик Япониядаги энг ўткир ижтимоий муаммолардан бири ҳисобланади. Бунинг асосий сабаби — туғилиш даражасининг пастлиги ва ҳаёт давомийлигинининг юқорилигидир.
Шу сабабли ҳам Япония умумий аҳолиси сонида болаларнинг улуши мунтазам равишда қисқариб бормоқда. Кексалар улуши, аксинча, борган сари кўпаймоқда.
Хусусан, сўнгги тадқиқотларга кўра, 2015 йилда 65 ва ундан катта ёшдаги японияликлар сони 33,42 миллион кишини ёки мамлакат аҳолисининг 26,7 фоизини ташкил этган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)