Ikkinchi prezidentlik muddati yakuniga yetganidan so‘ng, Barak Obama Kremniy vodiysidan ish topishi mumkin, deb taxmin qilmoqda The New York Times gazetasi.
Nashrning qayd etishicha, Obamaning prezidentlik jamg‘armasi xodimlari so‘nggi bir yil davomida Kaliforniyaga 10 marta safar qilib, yirik texnologik kompaniyalar mehmoni bo‘ldi. O‘z navbatida ko‘plab texnogigantlar Oq uyning siyosiy donorlariga aylandi.
Gazetaning yodga solishicha, Obamaning 2008-yilgi saylov kampaniyasining bosh g‘oyaviy rahbari Devid Pluff hozirda Uber’da ishlamoqda, Obamaning sobiq matbuot kotibi Jey Karni esa faoliyatini Amazon’da davom ettirmoqda.
AOL asoschilaridan biri Stiv Keysning aytishicha, prezidentlikdan so‘ng Obama uchun xay-tek soha asosiy yo‘nalishlardan biriga aylansa, u bunga hayron qolmaydi.
LinkedIn’ning asoschilaridan biri va ijrochi direktori Reyd Xoffman esa Obama Oq uydan ketgach, Kremiy vodiysi g‘oyalari va texnologiyalarini targ‘ib etishga kam vaqt va kuch ajratsa, hayron qolishini ma’lum qilgan.
Oq uy esa bu borada rasman hech qanday izoh berayotganicha yo‘q.
Quint’ning qayd etishicha, Obama Oq uyda ilmiy yarmarka o‘tkazgan birinchi AQSh prezidentiga aylangan edi. Bundan tashqari, yaqinda Bloomberg’ga bergan intervyusida Obama fan va venchur investitsiyalarni soha sifatida o‘ziga qiziqligini aytib o‘tdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)