Shavkat Mirziyoyevga rahmat aytgan Qirg‘iziston prezidenti, xayr-saxovatli O‘zbekiston, ikkinchi marta turmushga chiqayotgan Rayhon va kunning boshqa muhim xabarlari

26-oktabrning e’tiborga molik yangiliklari — “Daryo”ning kechki dayjestida.

1. Almazbek Atambayev o‘zbek-qirg‘iz aloqalarini mustahkamlash bo‘yicha choralar uchun Shavkat Mirziyoyevga minnatdorchilik bildirdi. Shu kuni O‘zbekiston bosh vaziri o‘rinbosari Adham Ikromov boshchiligidagi delegatsiya do‘stlik safari bilan Qirg‘izistonga keldi.

2. “Biznesni yuritish 2017” xalqaro reytingida O‘zbekiston 87-o‘rinni egalladi. Kuchli beshlikda Yangi Zelandiya, Singapur, Daniya, Gonkong va Janubiy Koreya bor.

3. O‘zbekiston xayr-saxovat bo‘yicha dunyo reytingida 11-o‘rinni egalladi. CAF hisobotiga ko‘ra, O‘zbekiston aholisining 67 foizi begona insonga yordam berishga tayyor.

4. Mercedes o‘z tarixidagi ilk pikapni namoyish etdi. X-Class birinchi galda Braziliya, Argentina, Avstraliya, Janubiy Afrika Respublikasi va Yevropa bozori uchun mo‘ljallangan.

5. Oktabr oxirida to‘y: Xonanda Rayhon ikkinchi marta turmushga chiqmoqda. “Ishonchli manbalar bergan ma’lumotga ko‘ra, nikoh va xudoyi kelayotgan shanba kuni bo‘lib o‘tadi”.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.