Шавкат Мирзиёевга раҳмат айтган Қирғизистон президенти, хайр-саховатли Ўзбекистон, иккинчи марта турмушга чиқаётган Райҳон ва куннинг бошқа муҳим хабарлари

26 октябрнинг эътиборга молик янгиликлари — «Дарё»нинг кечки дайжестида.

1. Алмазбек Атамбаев ўзбек-қирғиз алоқаларини мустаҳкамлаш бўйича чоралар учун Шавкат Мирзиёевга миннатдорчилик билдирди. Шу куни Ўзбекистон бош вазири ўринбосари Адҳам Икромов бошчилигидаги делегация дўстлик сафари билан Қирғизистонга келди.

2. «Бизнесни юритиш 2017» халқаро рейтингида Ўзбекистон 87-ўринни эгаллади. Кучли бешликда Янги Зеландия, Сингапур, Дания, Гонконг ва Жанубий Корея бор.

3. Ўзбекистон хайр-саховат бўйича дунё рейтингида 11-ўринни эгаллади. CAF ҳисоботига кўра, Ўзбекистон аҳолисининг 67 фоизи бегона инсонга ёрдам беришга тайёр.

4. Mercedes ўз тарихидаги илк пикапни намойиш этди. X-Class биринчи галда Бразилия, Аргентина, Австралия, Жанубий Африка Республикаси ва Европа бозори учун мўлжалланган.

5. Октябрь охирида тўй: Хонанда Райҳон иккинчи марта турмушга чиқмоқда. «Ишончли манбалар берган маълумотга кўра, никоҳ ва худойи келаётган шанба куни бўлиб ўтади».

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.