Tailandda marhum qirol Pxumipion Adulyadet xotirasi uchun mamlakat madhiyasining yangilangan talqinini kuylash maqsadida 150 mingdan ziyod kishi Sanam Luang maydoniga yig‘ildi. Bu haqda TJournal xabar bermoqda.
Xabar berishlaricha, marosimda nafaqat poytaxt aholisi, balki mamlakatning chekka tumanlaridan kelgan kishilar ham qatnashgan.
Madhiyaning yangi talqini Tailanddagi barcha kinoteatrlarda har bir seans oldidan qo‘yiladi. Tomoshabinlar madhiya yangragan vaqtda tik turishlari kerak.
13-oktabr kuni Tailand qiroli Pxumipon Adulyadet vafot etdi. U 1946-yildan beri mamlakatga rahbarlik qilib kelayotgan edi.
Hukumat bir yillik motam e’lon qilgan. Davlat xizmatchilariga qora libos kiyish haqida ko‘rsatma berilgan, sayyohlarga esa qora lentalar tarqatiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)