AQSh prezidentligiga Respublikachilar partiyasidan nomzod Donald Tramp saylov natijalarini adolatli deb topsa, ularni tan oladi. Bu haqda saylov kampaniyasini o‘tkazishda otasiga yordam berayotgan milliarderning o‘g‘li Erik Tramp ABC telekanali efirida ma’lum qildi, deya xabar beradi “TASS”.
“Otam saylovlar halol bo‘lishini istashini aytmoqchi bo‘lyapti, deb o‘ylayman. Agar yakunlar adolatli bo‘lsa, biz ularni aniq qabul qilamiz. Bu haqda hech qanday shubha bo‘lishi mumkin emas”, — deya ta’kidladi Erik Tramp.
Milliarderning o‘g‘li mamlakatda ovoz berish chog‘ida ko‘plab qonun buzilishlari kuzatilayotganini bildirdi. Jumladan, uning aytishicha, saylovchilar ro‘yxatida 2 million nafar olamdan o‘tgan, shuningdek, 3 million nafar bir yo‘la bir necha shtatda ro‘yxatdan o‘tgan kishilar qayd etilgan.
Izoh (0)