АҚШ президентлигига Республикачилар партиясидан номзод Дональд Трамп сайлов натижаларини адолатли деб топса, уларни тан олади. Бу ҳақда сайлов кампаниясини ўтказишда отасига ёрдам бераётган миллиардернинг ўғли Эрик Трамп ABC телеканали эфирида маълум қилди, дея хабар беради «ТАСС».
«Отам сайловлар ҳалол бўлишини исташини айтмоқчи бўляпти, деб ўйлайман. Агар якунлар адолатли бўлса, биз уларни аниқ қабул қиламиз. Бу ҳақда ҳеч қандай шубҳа бўлиши мумкин эмас», — дея таъкидлади Эрик Трамп.
Миллиардернинг ўғли мамлакатда овоз бериш чоғида кўплаб қонун бузилишлари кузатилаётганини билдирди. Жумладан, унинг айтишича, сайловчилар рўйхатида 2 миллион нафар оламдан ўтган, шунингдек, 3 миллион нафар бир йўла бир неча штатда рўйхатдан ўтган кишилар қайд этилган.
Изоҳ (0)