Agar iPhone 7’dagi Home (“Uyga”) tugmasi Taptic Engine’dagi nosozliklar tufayli ishlamay qolsa, tizim buni aniqlaydi va ta’mir qilingunga qadar vaqtinchalik yechim sifatida virtual tugmani qo‘shadi, deya xabar bermoqda TJournal.
Nosozlik haqidagi bildirishnoma va Home virtual tugmasi aks etgan suratni MacRumors nashri forumi foydalanuvchisi e’lon qilgan. Uning so‘zlariga ko‘ra, iPhone 7 quvvat olish chog‘ida o‘z-o‘zidan o‘chib qolgan. Qayta yoqilgandan so‘ng Home tugmasi ishlamay qolgan va xaptik xususiyatlari (turli harakatlarda telefon vibratsiyasi) ishdan chiqqan.
Bildirishnomada smartfonni servisga olib borish kerakligi, ungacha esa ekran pastidagi virtual Home tugmasidan foydalanish kerakligi aytiladi. MacRumors taxmin qilishicha, tugmadagi nosozlik uning Taptic Engine bilan chambarchas bog‘liqligiga aloqador bo‘lib, uning ishdan chiqishi sababli umuman ishlamay qolishi mumkin.
Rasman Apple iPhone 7’dagi yangi Home tugmalaridagi nosozlik yoki smartfonlarning nuqsonli partiyasi haqida e’lon qilgani yo‘q.
Izoh (0)