Futbol bo‘yicha O‘zbekiston Oliy Ligasida 25-turning 5 ta uchrashuviga yakun yasaldi. Qolgan 3 tasi bugun — 15-oktabr kuni bo‘lib o‘tadi.
O‘z maydonida “Qo‘qon—1912” klubini qabul qilgan “Lokomotiv” yirik g‘alabaga erishdi va chempionlik uchun yana bir qadam tashladi. “Temiryo‘lchilar” ayni vaqtda “Bunyodkor”dan 1 ta ko‘p o‘yinda maydonga tushib, raqibni 8 ochkolik farq bilan ortda qoldirmoqda.
“Navbahor” va “Buxoro” klublari o‘rtasidagi bellashuvda mehmonlarning qo‘li baland keldi. Tanaffus vaqtida bosh hakam har ikki klubning 2 tadan futbolchisiga qizil kartochka ko‘rsatib, ularni maydondan chetlatdi. Bu chetlatishlar buxorolik futbolchilar uchun foydali bo‘lib, ular ikkinchi 45 daqiqalikda 2 ta gol urishga muvaffaq bo‘ldi.
Bekobodning “Metallurg” klubi Oliy Liga to‘purarlari safida borayotgan Zohid Abdullayevning 89-daqiqadagi goli evaziga “Qizilqum”ni taslim qildi. Mazkur bellashuv kunning markaziy o‘yini sifatida qayd etildi.
15-oktabr kuni turning markaziy o‘yini “Bunyodkor” stadionida o‘tadi. Unda 51 tadan ochko jamg‘arib, turnir jadvalida yonma-yon borayotgan “Nasaf” hamda “Bunyodkor” klublari o‘zaro to‘qnash keladi. “Paxtakor” esa Farg‘onada “Neftchi”ga qarshi saf tortadi.
O‘zbekiston Oliy Ligasi 25-tur uchrashuvlari 14-oktabr, juma
“Metallurg” — “Qizilqum” 1:0
Gol: Zohid Abdullayev, 89 (1:0).“Mash’al” — “Olmaliq” 2:1
Gollar: Jamshid Hasanov, 25-pen (1:0). Mo‘ydin Mamazulunov, 77 (1:1). Zohir Qo‘ziboyev, 88 (2:1).“Lokomotiv” — “Qo‘qon—1912” 4:0
Gollar: Kaxi Maxaradze, 11 (1:0). Temur Kapadze, 36 (2:0). Sardor Mirzayev, 40 (3:0). Marat Bikmayev, 75 (4:0).“So‘g‘diyona” — “Obod” 2:1
Gollar: Ixtiyor Toshpo‘latov, 5 (1:0). Pavel Solomin, 54 (1:1). Elyor Oripov, 84 (2:1).“Navbahor” — “Buxoro” 1:2
Gollar: Dilshod Jabborov, 35 (1:0). Aziz Ibragimov, 52 (1:1). Aleksandr Merzlyakov, 89 (1:2).Chetlatishlar: Dilshod Jabborov, 46 (N). Qahramon Mahammajonov, 46 (N). Shavkat Mullajonov, 46 (B). Bahodir Pardayev, 46 (B).15-oktabr, shanba“Neftchi” — “Paxtakor”“Sho‘rtan” — “Andijon”“Bunyodkor” — “Nasaf”
Izoh (0)