Футбол бўйича Ўзбекистон Олий Лигасида 25-турнинг 5 та учрашувига якун ясалди. Қолган 3 таси бугун — 15 октябрь куни бўлиб ўтади.
Ўз майдонида «Қўқон—1912» клубини қабул қилган «Локомотив» йирик ғалабага эришди ва чемпионлик учун яна бир қадам ташлади. «Темирйўлчилар» айни вақтда «Бунёдкор»дан 1 та кўп ўйинда майдонга тушиб, рақибни 8 очколик фарқ билан ортда қолдирмоқда.
«Навбаҳор» ва «Бухоро» клублари ўртасидаги беллашувда меҳмонларнинг қўли баланд келди. Танаффус вақтида бош ҳакам ҳар икки клубнинг 2 тадан футболчисига қизил карточка кўрсатиб, уларни майдондан четлатди. Бу четлатишлар бухоролик футболчилар учун фойдали бўлиб, улар иккинчи 45 дақиқаликда 2 та гол уришга муваффақ бўлди.
Бекободнинг «Металлург» клуби Олий Лига тўпурарлари сафида бораётган Зоҳид Абдуллаевнинг 89-дақиқадаги голи эвазига «Қизилқум»ни таслим қилди. Мазкур беллашув куннинг марказий ўйини сифатида қайд этилди.
15 октябрь куни турнинг марказий ўйини «Бунёдкор» стадионида ўтади. Унда 51 тадан очко жамғариб, турнир жадвалида ёнма-ён бораётган «Насаф» ҳамда «Бунёдкор» клублари ўзаро тўқнаш келади. «Пахтакор» эса Фарғонада «Нефтчи»га қарши саф тортади.
Ўзбекистон Олий Лигаси 25-тур учрашувлари 14 октябрь, жума
«Металлург» — «Қизилқум» 1:0
Гол: Зоҳид Абдуллаев, 89 (1:0).«Машъал» — «Олмалиқ» 2:1
Голлар: Жамшид Ҳасанов, 25-пен (1:0). Мўйдин Мамазулунов, 77 (1:1). Зоҳир Қўзибоев, 88 (2:1).«Локомотив» — «Қўқон—1912» 4:0
Голлар: Кахи Махарадзе, 11 (1:0). Темур Кападзе, 36 (2:0). Сардор Мирзаев, 40 (3:0). Марат Бикмаев, 75 (4:0).«Сўғдиёна» — «Обод» 2:1
Голлар: Ихтиёр Тошпўлатов, 5 (1:0). Павел Соломин, 54 (1:1). Элёр Орипов, 84 (2:1).«Навбаҳор» — «Бухоро» 1:2
Голлар: Дилшод Жабборов, 35 (1:0). Азиз Ибрагимов, 52 (1:1). Александр Мерзляков, 89 (1:2).Четлатишлар: Дилшод Жабборов, 46 (Н). Қаҳрамон Маҳаммажонов, 46 (Н). Шавкат Муллажонов, 46 (Б). Баҳодир Пардаев, 46 (Б).15 октябрь, шанба«Нефтчи» — «Пахтакор»«Шўртан» — «Андижон»«Бунёдкор» — «Насаф»
Изоҳ (0)