Shvetsiya akademiyasi musiqachi Bob Dilan bilan aloqaga chiqib, u 2016-yilgi adabiyot yo‘nalishida Nobel mukofotini olganini xabar qila olmadi. Bu haqda, matbuot bilan aloqa mas’uli Ulrik Chellinning bayonotiga asoslanib, “Vedomosti” xabar bermoqda.
“Biz uning agenti bilan bog‘landik. Ammo Bob Dilan konsert arafasida uxlayotgan ekan, shu bois uning shaxsan o‘zi bilan gaplasha olmadik”, — ma’lum qildi Chellin.
Uning so‘zlariga qaraganda, Dilanni kechasi bilan topishning iloji bo‘lmagan.
“Ha, biz har doim ham qo‘ng‘iroq qilib tusha olmaymiz, lekin Dilan bilan bog‘lanishimiz zarur. Asosiysi — u 10-dekabr kuni o‘tadigan marosimga kelish-kelmasligini bilish”, — qo‘shimcha qildi Chellin.
Izoh (0)