Hindistonning markaziy qismida 14-oktabr, juma kuni avtobusning daraga qulashi oqibatida kamida 17 kishi halok bo‘ldi, 15 nafardan ortiq odam jarohat va shikastlanish oldi. Bu haqda Madxya-Pradesh shtati politsiyasi ma’lum qildi, deya xabar beradi “TASS”.
Huquq-tartibot idoralariga ko‘ra, mahalliy vaqt bilan 10:30 da 40 nafardan oshiq yo‘lovchini olib ketayotgan avtobus Ratlam posyolkasi yaqinidagi trassada yo‘ldan chiqib ketdi va chuqurligi 100 metr atrofida bo‘lgan daraga quladi. Voqea joyida kamida 17 kishi o‘ldi, ulardan 5 nafari voyaga yetmagan bolalardir.
Halokat sodir bo‘lgan manzilda qutqaruv ishlari olib borilmoqda, bunda mahalliy aholi ham faol yordam bermoqda. Dastlabki ma’lumotlarga ko‘ra, fojiaga trassaning mazkur hududida ruxsat berilgan tezlikni sezilarli ravishda oshirgan haydovchi sabab bo‘lgan.
Izoh (0)