Toshkent shahrining Yashnobod tumanidagi 4-shahar klinik shifoxonasi rekonstruksiya qilinib, foydalanishga topshirildi. Shu munosabat bilan bo‘lib o‘tgan tadbirda davlat va jamoat tashkilotlari vakillari, olimlar, shifokorlar ishtirok etdi. Bu haqda O‘zA xabar berdi.
4-shahar klinik shifoxonasi poytaxtning Yashnobod, Bektemir, Mirobod, Mirzo Ulug‘bek, Sergeli tumanlari aholisiga xizmat ko‘rsatadi. Ushbu tibbiyot muassasasida bosqichma-bosqich qurilish-rekonstruksiya ishlari amalga oshirildi. Bu ishlarga 27 milliard so‘mdan ko‘proq mablag‘ yo‘naltirildi.
Rekonstruksiya ishlari natijasida klinikaning barcha bo‘limlari zamonaviy qiyofaga kirdi. Binolarning atrofi obodonlashtirilib, yashil hududlar barpo etildi. Barcha bo‘limlar yangi tibbiy diagnostika vositalari va jihozlar — UTT, MSKT, rentgen, laparoskopik vositalar, fizioterapiya muolajalarini o‘tkazishda qo‘llaniladigan tibbiy asbob-uskunalar bilan jihozlandi.
Shifoxonada Toshkent tibbiyot akademiyasi, Toshkent pediatriya tibbiyot instituti va bir qator ixtisoslashgan markazlarning maxsus kafedralari joylashgani ilmiy-amaliy hamkorlikni rivojlantirish, tibbiyot yutuqlaridan oqilona foydalanishda muhim omil bo‘lmoqda.
Tadbirda O‘zbekiston Respublikasi Bosh vazirining o‘rinbosari A.Ikromov so‘zga chiqdi.
Izoh (0)