Futbol bo‘yicha Xitoy milliy terma jamoasi bosh murabbiyi Gao Xunbo “Bunyodkor” stadionining o‘zidayoq iste’foga chiqdi, deb yozdi “Maydon.uz”.
O‘zbekiston va Xitoy terma jamoalarining 2:0 hisobi bilan yakuniga yetgan o‘yinidan keyin Gao Xunbo matbuot anjumaniga kirib kelishi bilan, ishdan bo‘shashi haqida aytgan hamda jurnalistlar savollariga javob bermayoq, zalni tark etgan.
Xitoy JCh—2018 saralashining ortda qolgan 4 ta turida uch bor mag‘lub bo‘ldi va faqatgina Eron bilan 0:0 hisobida durang o‘ynadi. Janubiy Koreya va Suriyadan 1 tadan gol farqi bilan yengilgan xitoyliklar, O‘zbekistonga qarshi o‘yinda 2 ta gol farqi bilan imkoniyatni boy berdi.
Izoh (0)