Amerikaning Blue Origin kompaniyasi 5-oktabr, chorshanba kuni o‘zining New Shepard suborbital kosmik kemasidan ekipajni evakuatsiya qilish tizimini sinovdan muvaffaqiyatli o‘tkazdi, deb yozadi “TASS”. Operatsiya to‘g‘ridan-to‘g‘ri efir orqali uzatildi.
Ekipajsiz start olgan qurilma uchirilganidan so‘ng ko‘p o‘tmay, kelajakda yo‘lovchilarni kosmosga yetkazishi rejalashtirilgan kapsula bir pog‘onali New Shepard raketasidan ajralib chiqdi. Kapsuladagi dvigatel bir necha soniya ishlab turdi, shundan so‘ng u parashyutlar yordamida yerga tushdi.
Ushbu tizim uchirish vaqtida qandaydir nosozliklar yuzaga kelgan taqdirda, ekipajni katapulta qildirish uchun mo‘ljallangan. Raketa ham maydonga vertikal tarzda qo‘ndi.
Izoh (0)