BMT bosh kotibi Pan Gi Mun AQSh Davlat kotibi Jon Kerriga Rossiya bilan Suriya va boshqa masalalarda hamkorlikni davom ettirish zarurligini uqtirdi. Bu haqda bosh kotib rasmiy vakilining o‘rinbosari Farxan Haq ma’lum qildi, deya xabar beradi “TASS”.
“Bosh kotib Bryusselda, Afg‘oniston donorlari konferensiyasidagi ishtiroki chog‘ida Jon Kerri bilan uchrashib, Qo‘shma Shtatlar hamda Rossiyaning Suriya masalasidagi hamkorligini davom ettirish zarurligini uqtirdi”, — deya ta’kidladi Farxan Haq.
Rasmiy vakil o‘rinbosariga ko‘ra, Pan Gi Mun Moskva va Vashington Suriyada o‘t ochishga barham berish bo‘yicha muzokaralarni to‘xtatganidan afsuslangan. AQSh va Rossiyaning qurol plutoniysi borasidagi hamkorligi davom etishiga umid bildirgan.
Izoh (0)