Turkiyada yana uch oyga uzaytirilgan favqulodda holat, gonorari kattaligi sababini izohlagan Jahongir Otajonov, Hindiston bosh vaziriga tahdid qilmoqchi bo‘lgan kabutar va kunning boshqa qiziqarli xabarlari

4-oktabrning e’tiborga molik yangiliklari — “Daryo”ning kechki dayjestida.

1. AQSh Rossiya bilan Suriyadagi yarashuv bo‘yicha aloqalarni to‘xtatadi. “Suriya bo‘yicha kelishuv nuqtai nazaridan AQSh va Rossiya muhokama qiladigan boshqa hech narsa qolmadi. Bu Suriya xalqi uchun fojiali holat”.

2. Turkiyada favqulodda holat tartibi 3 oyga uzaytirildi. Bundan tashqari, Gulen bilan aloqadorlikda gumon qilinib,12 mingdan ortiq turkiyalik politsiyachi ishdan chetlatildi.

3. AQSh rasmiylari Green Card lotereyasida qatnashayotganda firibgarlardan ehtiyot bo‘lishga chaqirdi. Ariza berish jarayonida qatnashishi mumkin bo‘lgan nomzodlar tasodifiy tarzda lotereya yordamida tanlanadi.

4. Jahongir Otajonov to‘yga qimmatga chiqishi sabablari va konsertdan oladigan foydasi haqida ma’lum qildi. “Agar tez-tez to‘yga chiqadigan bo‘lsam, ovozimning sifati qochadi, keyin fonogramma kuylashga majbur bo‘laman”, — dedi xonanda.

5. Hindiston politsiyasi bosh vazir Modiga tahdidli maktub eltayotgan kabutarni hibsga oldi. Xabar berishlaricha, qush Pokiston bilan chegara yaqinida aniqlangan.