Bugun,

  • USD 11095.31
  • RUB 173.84
  • EUR 10772.44

4-oktabr kuni “Turli millat vakillari uchun immigratsion vizalar — DV” (Green Card) dasturida 2018-yil uchun ro‘yxatdan o‘tish davri boshlanadi. Dastur har yili 55 ming kishiga Amerika immigratsion vizalarini taqdim etadi. Agar siz unga ariza berayotgan bo‘lsangiz, firibgarlar sizning tajribangizni mudhish voqeaga aylantirishiga yo‘l qo‘ymang, deb yozadi AQSh Davlat departamentining Xalqaro informatsion dasturlar byurosi tomonidan qo‘llab-quvvatlanadigan ShareAmerica sayti.

Foto: AP Photo

Foto: AP Photo

Davlat departamenti viza xizmatlari boshqarmasi viza lotereyasi haqidagi firibgarlik elektron xatlari soni ko‘payganligi haqida ogohlantiradi.

Dasturda ishtirok etish uchun faqat rasmiy veb-saytda ro‘yxatdan o‘tishingiz mumkin. Shuni yodda tutingki, ro‘yxatdan o‘tish 2016-yil 7-noyabr kuni AQSh sharqiy vaqti bo‘yicha kun yarmida yopiladi.

Ariza berish jarayonida qatnashishi mumkin bo‘lgan nomzodlar tasodifiy tarzda lotereya yordamida tanlanadi.

Agar siz DV vizasini olish uchun ro‘yxatdan o‘tishni rejalashtirayotgan bo‘lsangiz, firibgarlikka chap bering va quyidagi maslahatlarni yodda tuting:

.gov domenini qidiring

AQSh hukumati veb-saytlarida faqat .gov manzili bilan yakunlanuvchi ma’lumotlargina rasmiy hisoblanadi. AQSh hukumati elektron pochtalari rasmiy manzillari ham .gov domeni bilan tugaydi. Viza mavzusida keluvchi, .gov bilan yakunlanmagan har qanday xat shubha uyg‘otishi zarur. Amerika bayrog‘i, Kapitoliy, Oq uy va Ozodlik haykali suratlariga ishonib qolmang.

DV vizasiga ariza berish uchun hech qachon pul yubormang

DV vizasini olish uchun arizani rasmiylashtirish yig‘imlari sizga uchrashuv tayinlangan vaqtda AQSh elchixonasi yoki konsulligi kassiriga to‘lanadi. Siz to‘lovni shaxsan amalga oshirasiz. AQSh hukumati sizdan hech qachon chek, to‘lov topshiriqnomasi yoki bank jo‘natmalari shaklidagi oldindan to‘lov jo‘natishni so‘ramaydi.

Arizangiz maqomi haqida faqat onlayn tarzda ma’lumot olishingiz mumkin.

DV vizasiga ariza beruvchilar o‘z maqomini https://www.dvlottery.state.gov/ manzili sahifasi orqali tekshirib ko‘rishi mumkin. AQSh hukumati eslatmani elektron pochtasi orqali yuborishi mumkin. Ular hech qachon ishtirokchilar bilan oddiy pochta orqali bog‘lanmaydi yoki g‘oliblarni elektron pochta orqali ma’lum qilmaydi.

Izoh
Asosiy yangiliklar
Dunyo
Greta Tunberg to‘rtinchi bor tinchlik bo‘yicha Nobel mukofotiga nomzod bo‘ldi
Mahalliy
Toshkent shahar Obodonlashtirish bosh boshqarmasiga yangi rahbar tayinlandi
Dunyo
Sovuq urushni rasman yakunlagan Bush va Yelsin, Fransiyaga qochib ketgan mashhur rejissor — Roman Polanski va “Buyuk golland toshqini”. Kun xronologiyasida 1-fevra...