Liviya milliy birdamlik hukumati tarafdori bo‘lgan qo‘shinlar tomonidan 2-oktabr, yakshanba kuni Sirt shahrida boshlangan operatsiya davomida IShIDning 80 nafar jangarisi o‘ldirildi. Bu haqda “TASS” xabar bermoqda.
“Sirtda operatsiyani amalga oshirayotgan bo‘linmalar qo‘mondonlariga ko‘ra, hukumat kuchlari nazorat etayotgan binolarni qaytarib olishga uringan 55 nafar jangari yo‘q qilindi. Shuningdek, shahardan yana 25 nafar terrorchining jasadi topildi”, — deyiladi hukumat qo‘shinlari shtabi xabarida.
Jangarilar bilan janglar davomida 8 nafar harbiy xizmatchi halok bo‘ldi, 57 nafari jarohatlandi. Operatsiya davomida bir necha transport vositasi, qurol-yarog‘ va o‘q-dori musodara etildi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)