Gruziya hukumat va Anaklia Development Consortium o‘rtasida 3-oktabr, dushanba kuni mamlakatdagi eng chuqur Anakliya portini qurish to‘g‘risidagi kelishuv imzolandi. Bu haqda “TASS” xabar bermoqda.
“Portning strategik joylashuvi, o‘tkazish imkoniyati, kengayish va rivojlanish istiqbollari Gruziya ‘Yangi Buyuk ipak yo‘li’da o‘zining tarixiy vazifasini o‘tashi uchun asos yaratadi. Anakliya Gruziyaning bosh dengiz darvozasi va mintaqadagi eng muhim logistika markazlaridan biriga aylanishiga umid qilamiz”, — deya ta’kidladi mamlakat bosh vaziri Georgiy Kvirikashvili.
7 million tonna yuk o‘tkazishga qodir yangi port 3 yildan so‘ng faoliyat ko‘rsata boshlaydi. Uning infrastrukturasi 400 gektar atrofidagi maydonga joylashtiriladi, chuqurligi esa 20,5 metrni tashkil etadi. Portga 50 dan 150 ming tonnagacha yuk eltadigan kemalar kirishi mumkin.
Loyihaning umumiy qiymati 2,5 milliard dollarni tashkil etishi bildirilmoqda.
Izoh (0)