Rossiya Suriyada birinchi bor zamonaviy S-300 havo hujumidan himoya tizimini joylashtirdi. Bu haqda “Gazeta.ru” xabar bermoqda.
AQShning Fox News telekanaliga ko‘ra, tizim qismlari o‘tgan dam olish kunlari Suriyaning Tartus shahridagi Rossiya harbiy-dengiz bazasiga yetkazilgan. Ular hali yig‘ilmagani bildirilmoqda.
AQShdagi manbalar bu Rossiyaning S-300 tizimini mamlakatdan tashqarida joylashtirayotgani bilan bog‘liq ilk holat ekanligiga e’tibor qaratdi.
Bu tizimlar kimga qarshi qaratilgan bo‘lishi mumkinligi haqidagi savolga AQSh vakillari terrorchilar harbiy-havo kuchlariga ega emasligini ta’kidlab, kinoya qildi.
Izoh (0)