BMT bosh kotibi Pan Gi Munning Janubiy Koreyada bo‘lib o‘tayotgan qarindoshi Pan Chju Xyon bilan bog‘liq sud ishiga aloqasi yo‘q. Bu haqda 3-oktabr, dushanba kuni xalqaro tashkilot rahbarining rasmiy vakili o‘rinbosari Farxan Haq ma’lum qildi, deya xabar beradi “TASS”.
“Mohiyati ma’lum sud jarayonlari yuzasidan hech qanday izoh berilmaydi. Bosh kotib bu odam bilan munosabatda bo‘lmagan va mazkur ishga mutlaqo dahli yo‘q. U xalqaro tashkilotni boshqarayotgan salkam 10 yildan beri qarindoshi bilan umuman aloqada bo‘lmagan”, — deya ta’kidladi Farxan Haq.
Eslatib o‘tamiz, oldinroq Seul sudi BMT bosh kotibi Pan Gi Munning jiyani Pan Chju Xyonni firibgarlikda ayblagani va 590 ming dollar jarima tortganligi haqida xabar berilgandi.
Izoh (0)