Япониянинг Кумамото префектурасида зилзилалардан кўрилган зарар 37,5 млрд долларга баҳоланди

Япония жануби-ғарбидаги Кумамото префектурасида шу йил апрель ойида содир бўлган вайронкор зилзилалар туфайли кўрилган зарар 3,7 триллион иена (тахминан 37,5 миллиард доллар)ни ташкил этди. Бу ҳақда «ТАСС» хабар бермоқда.

Префектура расмийларига кўра, 2,3 триллион иена (22,8 миллиард доллар) ҳажмидаги асосий зарар уй-жой фондига етказилган.

Табиий офат оқибатида 8 мингдан ортиқ уй тўлиқ, 20 мингга яқини эса қисман вайрон бўлди. 70 мингдан ортиқ иморатда айрим шикастланишлар кузатилди. 

Кумамото ҳудудидаги корхона, завод ва сайёҳлик инфраструктурасини тиклашга 820 миллиард иена (8,13 миллиард доллар) ажратилиши лозим.

Йўллар ва кўприкларга етказилган зиён 268 миллиард иена (2,65 миллиард доллар)га тенг экани айтилмоқда.