O‘zbekistonning uchta hududida go‘zapoyadan yog‘och qirindili plitalar ishlab chiqaruvchi zamonaviy korxonalar ochiladi, deya xabar bermoqda “Gazeta.ru” hukumat qarori (pdf)ga tayanib. Loyihalar Xitoy Xalq Respublikasi raisi Si Szinpinning O‘zbekistonga iyun oyida uyushtirilgan tashrifi chog‘ida erishilgan kelishuvlar doirasida amalga oshirilmoqda.
Talabgir import o‘rnini bosuvchi mahsulotni ishlab chiqarish Jizzax viloyatidagi “Jizzax qurilish ziynati” XF (yiliga 10 ming kub m), Surxondaryodagi “Termiz-ta’minot” XK (10 ming) va Toshkent viloyatidagi Seowon Kiup XK (30 ming)da o‘zlashtiriladi.
2017-yil oxirigacha ishga tushiriladigan uchta loyihaning taxminiy qiymati 7,3 million dollarga teng bo‘ladi. Ular kompaniyalarning o‘z mablag‘lari, mahalliy va xorijiy banklar kreditlari, shuningdek, to‘g‘ridan-to‘g‘ri xorijiy investitsiyalar orqali moliyalashtiriladi.
Izoh (0)