O‘zbekistonda paxta yig‘im-terimi qizg‘in pallaga kirgan shu kunlarda Qashqadaryoning Mirishkor tumanida “Mehnat rohat” palatkali shaharchasi barpo etildi. Bu haqda O‘zA xabar bermoqda.
Xabar berishlaricha, umumiy maydoni 2,4 gektar bo‘lgan ushbu maskanda terimchilar uchun barcha qulayliklar yaratilgan.
“So‘nggi tipdagi bu palatkalar xalqaro tajribalar asosida qurilgan. Yomg‘ir o‘tkazmaydi, issiq-sovuqqa chidamli. Ularda terimchilarning dam olishi uchun barcha qulayliklar mavjud”, — deyiladi O‘zA axborotida.
Shaharcha hududidagi oshxona, tibbiyot punkti, savdo do‘koni, go‘zallik saloni va boshqa qo‘shimcha xizmatlardan aholi mamnun.
Terimchilarning madaniy hordiq chiqarishi uchun konsert dasturlari namoyish etiladigan maxsus maydon barpo etilgan.
Izoh (0)