Ўзбекистонда пахта йиғим-терими қизғин паллага кирган шу кунларда Қашқадарёнинг Миришкор туманида «Меҳнат роҳат» палаткали шаҳарчаси барпо этилди. Бу ҳақда ЎзА хабар бермоқда.
Хабар беришларича, умумий майдони 2,4 гектар бўлган ушбу масканда теримчилар учун барча қулайликлар яратилган.
«Сўнгги типдаги бу палаткалар халқаро тажрибалар асосида қурилган. Ёмғир ўтказмайди, иссиқ-совуққа чидамли. Уларда теримчиларнинг дам олиши учун барча қулайликлар мавжуд», — дейилади ЎзА ахборотида.
Шаҳарча ҳудудидаги ошхона, тиббиёт пункти, савдо дўкони, гўзаллик салони ва бошқа қўшимча хизматлардан аҳоли мамнун.
Теримчиларнинг маданий ҳордиқ чиқариши учун концерт дастурлари намойиш этиладиган махсус майдон барпо этилган.
Изоҳ (0)