Suriya mojarosining 300 ming qurboni, Sukerbergning kasalliklarga qarshi 3 mlrd dollari, yana bir bor uylanishini aytgan Yigitali Mamajonov va kunning boshqa muhim yangiliklari

22-sentabrning e’tiborga molik yangiliklari — “Daryo”ning kechki dayjestida.

1. Suriyadagi qurolli mojaro qurbonlari soni 300 ming kishidan oshdi. “Dunyo yetakchilari Suriya fojiasi ro‘y berganidan uyalishi kerak”, — dedi BMT rahbari Pan Gi Mun.

2. Sukerberg kasalliklarga qarshi kurashga 3 mlrd dollar ajratadi. Sukerbergning aytishicha, yangi tashabbus Ebola, Zika va OIV kabi viruslarga qarshi yangi tibbiy texnologiyalar, testlar va vaksinalar ishlab chiqishni ham nazarda tutadi.

3. Toshkent shahrining Mirzo Ulug‘bek tumaniga yangi hokim tayinlandi. Tumanning avvalgi hokimi 18-sentabr kuni O‘zbekiston Prezidenti vazifasini bajaruvchi Shavkat Mirziyoyev ishtirokidagi yig‘ilishda o‘z lavozimidan ozod etilgan edi.

4. Yigitali Mamajonov: Yana bir bor oila qurishim aniq. “Oila mavzusida juda ko‘p savollar berishadi. Ularga javob berishni yoqtirmasligimni aytdim”, — dedi aktyor.

5. iPhone 7’ning tannarxi hisoblab chiqildi. iPhone 7’ning eng qimmatbaho qismi displey bo‘lib chiqdi, uning narxi 43 dollarga baholandi.

Bonusiga — Kuzgi modaning g‘aroyib trendlari.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.