Rio–2016 paralimpiyachilari olimpiyachilar kabi pul mukofoti va Malibu avtomobili bilan taqdirlanadi

Braziliyaning Rio-de-Janeyro shahrida bo‘lib o‘tgan XV yozgi Paralimpiya o‘yinlarida 5 ta sport turi bo‘yicha 32 nafar sportchi O‘zbekiston terma jamoasi sharafini himoya qilib, 8 ta oltin, 6 ta kumush, 17 ta bronza — jami 31 ta medalni qo‘lga kiritib, medallar reytingida 16-o‘rinni egallagandi. O‘zbekiston Respublikasi Prezidentining 2016-yil 12-iyuldagi qaroriga muvofiq sovrindor bo‘lgan sportchilar pul mukofoti va Malibu avtomobili bilan taqdirlanishi to‘g‘risidagi qaror matni O‘zAda keltirildi.

Unga ko‘ra, Rio—2016 Paralimpiadasida oltin medalni qo‘lga kiritgan quyidagi sportchilarning har biriga 200 000 AQSh dollari ajratildi:

Namozov Sherzod Nasimovich – dzyudo;

Nig‘matov O‘tkirjon Ismatillo o‘g‘li – dzyudo;

Tulendibayev Adiljon Rishatovich – dzyudo;

Norbekov Husniddin Qilichboyevich – yengil atletika;

Svechnikov Aleksandr Vladimirovich – yengil atletika;

Qayumova Nozimaxon Nomonjonovna – yengil atletika;

Musabekov Firdavsbek Ulug‘bek o‘g‘li – suzish;

Amilova Fotimaxon Ravshanbek qizi – suzish;

Rio—2016 Paralimpiadasida kumush medalni qo‘lga kiritgan quyidagi sportchilarning har biriga 100 000 AQSh dollari ajratildi:

Alimova Xaytjon Abdulla qizi – dzyudo;

Burxonova Safiya Kaimovna – yengil atletika;

Odilova Muslima Ulug‘bek qizi – suzish;

Pankov Kirill Dmitriyevich – suzish;

Rio—2016 Paralimpiadasida bronza medalni qo‘lga kiritgan quyidagi sportchilarning har biriga 75 000 AQSh dollari ajratildi:

Boboyev Shuhrat Shonazarovich – dzyudo;

Saidov Feruz Beshimovich – dzyudo;

Sharipov Shirin Xomitovich – dzyudo;

Salayeva Sevinch Odambay qizi – dzyudo;

Rahimova Gulruh Ilhombekovna – dzyudo;

Nurmetova Tursunposhsha Bahromovna – dzyudo;

Soliyev Doniyor Nurulla o‘g‘li – yengil atletika;

Bozorov Ahror Botirovich – pauerlifting;

Tursunxo‘jayev Muzaffar Shuhratillo o‘g‘li – suzish;

Xorlin Dmitriy Sergeyevich – suzish;

Toshpo‘latova Shohsanamxon Dilshodbek qizi – suzish;

Ibragimov Server Yusufovich – o‘q otish;

Saxatov Miran Miryunusovich – yengil atletika;

Xamroyev Faxriddin Farhodovich – yengil atletika;

Abdurashidov Mansur Samat o‘g‘li – yengil atletika.

Pul mukofotlarini to‘lash O‘zbekiston Respublikasi Tashqi iqtisodiy faoliyat milliy banki tomonidan xorijiy valyutada, bankda jismoniy shaxslar uchun belgilangan tartibda ochiladigan depozit hisob raqamlaridan, soliq undirilmasdan amalga oshiriladi.

Shuningdek, delegatsiya tarkibidagi sportchilar O‘zbekiston Milliy olimpiya qo‘mitasi huzuridagi Olimpiyachilarni qo‘llab-quvvatlash jamg‘armasi tomonidan sotib olingan “Malibu” markali yengil avtomobillari bilan mukofotlanadi va yengil avtomobillar qiymatiga jismoniy shaxslardan olinadigan daromad solig‘i sportchilardan olinmaydi.

O‘zbekiston Respublikasi Prezidenti vazifasini bajaruvchi Shavkat Mirziyoyev mazkur farmoyishning bajarilishini nazorat qilishni O‘zbekiston Respublikasi Bosh vazirining o‘rinbosari Adham Ikramov zimmasiga yukladi.